《女士復仇》鄧麗欣34歲生日獲火火驚喜送蛋糕 - 鄧麗欣笑言:「火火係今年第一個送蛋糕俾我嘅男士!」 火火、鄧麗欣笑稱拍《女士復仇》似打喪屍


Husband Killers - 20171110火火執導,鄧麗欣、周秀娜與樂基兒主演新片《女士復仇》12月7日盛大上映,繼日本大阪亞洲電影節、台灣高雄影展後,早前更晉身香港亞洲電影節參展電影。《女》片被視為鄧麗欣和周秀娜演技大突破的話題之作。HK 29832適逢宣傳衝刺階段,火火、鄧麗欣二人日前分別到電影公司接受訪問,火火百忙之中專誠準備生日蛋糕,又帶仔仔到場提早到場為10月15日(星期日)34歲生日的Stephy送上驚喜。當Stephy拍攝完畢回休息室時,火火和電影公司一班工作人員早已在房間內準備紙炮及將蛋糕點起爉竹,待Stephy開門時驚喜送出!HK 29872Stephy驚喜表示:「其實今日做訪問係咪假㗎?係咪專登叫我上嚟切蛋糕?哈哈!好多謝火火嘅心意,希望《女士復仇》大賣!火火仲要係今年第一個送蛋糕俾我嘅男士!HK 29789
提到《女》片中Stephy突破演出,火火說:「我真係未試過見到一個咁激嘅Stephy,今次呢個女殺手絕對唔容易演,加上拍攝期緊逼,手足每日都要喺炎熱天氣底下拍攝平均18個鐘,特別感激每一個台前幕後工作人員,當然包括Stephy!希望下次可以再同Stephy合作,其實我好想拍佢一身性感打扮打喪屍!
至於身邊的Stephy則回應:「嘩!其實拍《女士復仇》我已經覺得自己打緊喪屍!每日都拍到天昏地暗,仲要喺間酒店度困獸鬥,由天光殺人殺到第二日天光,嗰段日子真係唔容易過呀。我而家搭車經過拍攝嗰間酒店都唔敢再望,真係諗起都驚!不過嗰度嘅晚餐係好好食嘅,哈哈!
《女士復仇》(Husband Killers)故事講述人妻(鄧麗欣 飾)與情婦(周秀娜 飾)聯手到酒店捉姦,卻發現小四(樂基兒 飾)的出現,成為三個「女強人」互相撕殺的禁錮戰場。電影由林建名、伍健雄、蔡尚圻出品、伍健雄兼任監製,火火執導及編劇,何傲兒、孫佳君、泥蜢 @ Rubberband及Kevin仔聯合演出。電影已定於12月7日盛大上映,由大名娛樂、本地製作、萬創國際出品、本地製作攝製、巴福斯宣傳及發行。

+ There are no comments

Add yours

CAPTCHA Image

*